دينا عماد .. فن “الكونكريت” مش منتشر في مصر واتمني ان يكون لي براند عالمي

hassan أغسطس 25, 2023

0 608 دقيقة واحدة

دينا عماد .. بكالوريوس تجارة جامعة الأسكندرية .. تعمل في فن الكونكريت .. فن الديكورات والمجسمات بمختلف أنواعها وأشكالها ..

ذكرت دينا خلال حديثها لـ “واتوتو” .. ان فن الكونكريت غير منتشر في مصر بدرجة كبيرة .. قائلو” بيدخل فيه مواد مختلفة منها الأسمنت والجبس والرمل والماربل بودر وهي عبارة عن بودرة رخام ورمل وجبس ومصلبات أخري عشان تكون كل القطع صلابتها قوية وبشكل قريب جداً من الرخام ..

وأضافت دينا .. إتعلمته لوحدي من الإنترنت وإبتكرت فيه أفكار جديدة ومختلفة دخلت فيه قواقع البحر والأحجار بمختلف أنواعها والجليتر الهولوجرافيك والألوان في القطعة الواحدة بتكون 7 ألوان بطريقة دمج جديدة ومختلفة ..

وأكملت الفكرة نفسها بدأت باني كنت حابة أبدأ مشروع وبسبب اني بميل للهاند ميد فـ كنت بفكر في كذا حاجة منهم الشموع ومنهم صناعة التابلوهات والصابون وبعدين كنت حابة ادور علي حاجة مختلفة .. بالصدفة شوفت فيديو اجنبي لحد بيعمل ديكورات بالأسمنت والجبس وكانت حلوة جدا ف دورت ع النت واتعلمته وابتكرت فيه أشكال وحاجات جديدة الحمدلله

واختتمت دينا الحوار قائلة .. بدأت أجرب في علب من البيت الأول وبعدين اشتريت قوالب سيلكون وابتديت ازودها وطورت شغلي لحد اما وصلت اني بعمل صواني ديكور بمختلف اشكالها واحجامها وكوسترات وتابلوهات وتوزيعات مناسبات سبوع وكتب كتاب واعياد ميلاد ونجاح .. وفازات وبوتات للزرع والشموع والورود والاكسسوارات والميك اب ومجسمات مودرن وديكورات مودرن ونيو كلاسيك وكمان بساعد اي حد عنده مشروع اني بعمل ديكورات تصوير منتجات عشان الصور تلفت نظر العميل