عبدالله احمد الجوهري شاب 24 سنه من مدينة الزقازيق بمحافظة الشرقيه، بدأ مهنتة من ١٢ سنه تقريبا نص عمره ..
عبد الله بدأ الحكاية لـ “واتوتو” : كان نفسي ابقي صاحب مهنه حره، علشان كدا اتعلمت صنعه الجبس وكمان كنت غاويها وحاببها، وبفضل الله من بداية عملي لحد الان حققت نجاحاً كبيراً وفتحت مصنع ف بلبيس عند الطياره لتصنيع الموديلات الكلاسيك واعمال الواجهات من خامة ال جي ار سي grc وتنفيذ جميع المجسمات وجميع الجداريات والتحف والانتيكات الشغل المصري القديم اللي بيسمي كما هو العصر الڤيكتوري.
وأكمل الجوهري : بفضل الله اي موديل يخص الديكور العميل بيبعته ليا بصممه الاول ونفذه نحت وصنعه قالب سيليكون واشتغل عليه والحمد لله بنصدر منهم خارج مصر منهم الاردن وامريكا والسعودية والإمارات والجزائر وليبيا وسافرنا جميع محافظات مصر الحمدلله.
وأكمل عبد الله .. مفيش محافظه الا لما عملنا لينا بصمه فيها وعملت فاميلي بيزنس انا واخواتي وفتحنا مكتب الشركه في مدينة العبور الحي الخامس شركة ” الجوهري جروب” ورئيس مجلس الاداره اخويا الكبير المهندس محمد الجوهري واخويا محمود الجوهري واخويا اسلام الجوهري متخصصين ف تنفيذ القصور والڤلل وشقق وفنادق سياحيه وقاعات أفراحوبنعمل ده في أي مكان في العالم.
وذكر عبد الله في حديثه ..
حققنا الكثير من النجاح في اعمال الديكور ف القصور ومن بعض عملائنا المميزين في اعمال ضخمه في قصر الذهب ع كورنيش النيل صاحبه البرنس نجيب شركس اخر أحفاد المماليك طبعا ومجموعة اعمال قاعات افراح الشيف علاء ف المريوطيه هرم واعمال ساحة فضيلة الشيخ الدكتور احمد المرتضي في مدينة الاقصر واعمال كثيره بفضل الله بدئنا من الصفر ف هذا المجال الواسع وبفضل من الله دلوقتي بنشتغل تنفيذ كامل و جهات خارجيه وداخلي بفضل الله .
