هبه محمد صاحبه براند Boba mohamed crochet .. وصاحبة أول ستاره عملاقه من الكروشية حسب قولها..
هبه بدأت حديثها لـ “واتوتو” قائلة .. اسمي هبه عبد الرؤوف معروفه بـ “هبه محمد” عندي ٢٩ سنه معايا بكالوريوس تجاره عندي ولدين اياد ٧سنين وزين ٤ سنين.
واكملت هبه .. اتعلمت الكروشيه منذ حوالي ٩ سنين، بدأت اشوف فديوهات تعليمه من اليوتيوب وصباح اليوم التالي وجدت زوجي جابلي كل الادوات التي يمكن البدأ بها .. وعليها بدأت اتعلم العقد الاساسيه و اول حاجه عملتها كان برتوفيه .. ومحتفظه به حتي الان رغم كم الغلطات اللي فيه بس غالي ع قلبي
واضافت .. محمد زوجي كان بيقعد يشبك معايا الوحدات عشان يشجعني اكمل، والحمد لله اشتغلت علي نفسي كتير ف الشغل والإتقان والتصوير وفخوره بكل قطعه نفذتها .. الان اصبح الكروشيه هو حبي الاول كل قطعه ينفذها بديها حب وإتقان كل قطعه ينفذها بحب كبير كأنها عيل من عيالي مثلا..
واكملت .. مواخرا اتعلمت المكرميه من حوالي سنين فتحت جروب وضفت فيه كل اصحابي اللي كانو حابين يتعلمو وبدانا نتعلم كلنا سواء كنت بنزل فيديو لطريقه العقد كل اسبوع وكلنا كنا بنفذ التطبيق وحاليا بقينا فنانات مكرميه وكل وحده عندها داتا لشغلها .
حاليا اقدر اقول اني لقيت شغفي المكرميه بالنسبالي مش مجرد حرفه يدويه لا دي حرفيا بقت جزء مني ومن شخصيتي غيرت فيا حاجات كتير اووي وممكن ناس كتير تستغرب بس فعلا غيرت فيا كتير بدأت بمعلقه وبعدين عملت ستاره وانا لسه ببدأ وبعدها عملت الستاره (العملاقه) اللي حرفيا كان وش الخير عليا واتحديت نفسي فيها كتير واشتغلتها من صوره وبعدها عملت شغل كتير .
وانهت حديثها قائلة .. الحمد لله راضيه جدا علي المستوي اللي وصلتله بقي عندي داتا لشغلي الجروب التعليمي دلوقتي بقي اكتر من ٥٠ الف بدأت كورس مكرميه لتعليم العقد الاساسيه ( مجاني ) اكتر من ٥٠٠ بنت بتتعلم تحت ايدي وفخوره جدا بده طموحي بقي أن أفتح جاليري اعرض فيه شغلي كله شغلي يلف العالم وامنيه حياتي بجد أن أعمل مشروع مشترك بيني وبين فنانات الهانظ ميد كلهم يبقي عندنا مول لبيع الحرف اليدويه وفقط والناس تجيلنا من كل العالم
