ماجي ٣٢ سنه من اسيوط صاحبة براند Ashonella المتخصص لملابس السوارية للأطفال
بدات ماجي حديثها لـ “واتوتو” قائلة .. مكنتش بلاقي لبس مميز لبناتي في السوق ومكنتش بقتنع نهائي بيه لحد ماقررت اعملهم لبسهم بأيدي.
وأضافت: للاسف مكنش فيه كورس شامل اتعلم منه سواء عملي او نظري، اخدت بس كورس نظري المقاسات وحاجات بدائيه جدا لكن انا اللي اتعلمت كل القصات والافكار وطريقة شغلها ع المكنه لوحدي .
وأكملت حديثها : ف مره جوزي جابلي ماكينه خياطه وقرررت اعمل للبنات وانا اول طقم كابلز لينا وده كان سنه ٢٠١٩ ويوم ٢٩/٩/٢٠١٩ فتحت الجروب وبدات البراند بتاعي واسمه Ashonella لدخول الجروب .. اضغط هنا وده من اسماء بناتي اشلي وانتونيلا.
وبدات اخد شغل واوردرات واتعرفت بشغلي للاطفال وعلي مدار الـ ٤ سنين بعمل ديزينات سواريه ولعمل كولكشن ف الصيف وكولكشن كاجول كمان ف الشتا شغلي كله من تصميمي وتنفيذي وحدي ع مكنتي ف البيت وحقيقي دائما جوزي وبناتي مشجعني جدا وواقفين فـ ضهري .
كل القريبين مني سواء امي واخواتي واصدقائي بيشجعوني واي بنوته عملتلها دريس بنكون صحبتي وبتيجي مره واتنين وتلاته ولازم بياخدو الدريس وهما فرحانين وبيبعتو ريفيو كمان يعبر عن شكرهم وفرحتهم بالديزاين .
طموحي ان شغلي يكبر ويتعرف اكتر واكتر واصنع بقي والبرامج بتاعي يكبر اكتر واكتر حلمي ملوش حدود لاني بحب شغلي جدا هو شغفي ف الحياه
